Prädig em Fastelovend övver dr Stammbaum, Joh 17 un Ps 31

Jo, dr Idee un e Deil vun dä Jrafik han ich beim Fesskomitee affjekläut, de Kirch es vun uns Homepage, ävver zesammejefrickelt han ich et sellevs un ohn' jet draan ze verdeene.

Leev Jeckinne und Jecke, 
leeven Fessgemeinde, 

Mr schriev et Johr 2015. 
„Social Jeck, kunterbunt vernetz“, su heiß die Övverschriff övverm Fastelovend. 
Die Hüsjer bunt om Aldermaht 
sin Zeuge kölscher Eijenaat, 
et süht jrad us em Dunkele 
als wören se am Schunkele, 
un irjendswu em Minschejewöhl 
ston e Prinzessje em rusa Töllwöbche 
met Jold un Spetz, 
en jroße Aap, 
janz en Schwatz, med krölligem Pelz, 
e Kölsch en dr Hand, 
e Feigling en dr Täsch. 
Einer fählt: 
E Lappeclown es spät draan, 
hä drängelt sech am Heumaat us dr Bahn, 
schrömp dr Platz laans, 
et Händy am Ohr: 
„Wo sit er dann?!“ 
„He!“ 
„Wo dann?!“ 
„Links vum Jan vun Werth.“ 
„Do, op dr Sick wo dat Bödche es?“ 
„Nä, et andere links!“ 
Un am Engk finge se zesamme, 
e Jruppefoto weed jemaht 
un durch de Welt jescheck: 

Am andere Engk vun dr Stadt, 
en Worringen, Godorf ov en Heumar 
treck de Jroß si neue Smartphone us dr Täsch 
un zeigt dr Nohbarin janz stolz: 
Dat es mi Enkeldoochter, 
dat es en Selfie, 
un de Nohbarin säht: 
Ich daacht, dat wör et Uschi?! 

Un bei Facebook 
mäht dr Ühm in Spanien dr Duume huh 
un schriev: „Jröß mr dr Dom!“ 

Social jeck, kunterbunt vernetz, 
zwesche Heumar un Godorf, Kölle un Spanien - 
„Do stells minge Fööß op wigge Raum“, 
un och wann et jet spack weedt om Alder Maat, 
nemp mr sech en dr Ärm und däht schunkele, 
dr Platz es knapp, ävver dat Hätz weedt wick 
un us dausend Strösse klingk et: 
„Su simmer all heehin jekumme“, 

un Jesus säht: Här, loß se all eins sin.

Mr schriev et Johr 1925. 
E Karnevalsmotto jit et nit, 
et Rheinland es besatz, 
ävver zom eetste Mol noh’m eetste Weltkrieg 
fängk mr ald widder an, 
janz leis un hinger verschlosse Döör, 
dr Fasteleer ze fiere. 
Dr Rusemoondaachszoch steiht zwar parat, 
de Funke schlofe en dr Uniform, 
ävver dis Johr jitt et noh kein Marschbefähl, 
dr Fastelovend unger freiem Hemmel bliev verbodde. 

Em Aujust 1925 treffe sich zem eetste Mol 
in Stockholm Kirche us aller Welt, 
600 Minsche us 37 Länder. 
Em Minschejewöhl 
sitz dr deutsche Delegeete em Lutherrock. 
Donevven en Bischoff us Afrika en janz bunger Klädasch, 
met Jold un Spetz, 
un nevve däm e Pastur us Russland, 
janz en schwatz, met krölligem Baat, 
e Krütz en dr Hand, 
e Bibel en dr Täsch 
Schunkele don se nit, 
 ävver se don zesamme bedde un singe, 
un jevve sech e Motto: 
„De Liehr trennt, dr Deens vereint“: 
wo mr uns dr Köppe enschlage künnte övver theologische Ähzezählerei, 
do kumme mr zesamme, wo mr uns för et Johde en dr Welt 
un bei uns en dr Nohbarschaff ensetze. 

Do stellst ming Fööß op wiggem Raum, 
un Jesus säht: Här, loss se all eins sin. 

Mr schriev et Johr 2015, 
em Janewar, koot vüür Dreikünninge. 
Junge un ahle han sich opjemaht 
öm sech däm brunge Jeraffels von Kögida 
en dr Wääch ze stelle. 
E paar vun üch sin ja dobei jewese: 
Vürm LVR-Toon e Minschejewöhl, 
do steiht en ahl Möh 
nevven em Jröne, 
en Imam nevven einem vun dr Jewerkschaff, 
un dozwesche Lück wie do und ich, 
e Transparent en dr Hand, 
manche och en Kölsch, 
manche maachen Selfies 
un schecken se öm dr Welt, för ze zeige: 
 He en Kölle soll dä Raum und die Hätze wick blieve, 
he freue mr uns op all die Minsche, 
die vun fähn un noh kumme 
un unse Stammbaum bunger maache. 
Op dr Bühn e Band, die spillt: 
Su simmer all heehin jekumme, 
 mr spreche hück all dieselve Sproch…, 
un et föhlt sech e beßje aan wie Fastelovend, 
un Jesus säht: Loss se all eins sin. 

Sozial un jeck dobei, 
un kunterbungk vernetz. 
Jlich stommer all em Kreis he vürren öm dr Desch eröm, 
deile Brut un Wing, 
e Huusfrou me’m Lehrer, 
dr Konfirmand met dr Ätztin, 
e Hamburger met enem Schlesier, 
kein Minschejewöhl, su vill simmer hück nit, 
ävver kunterbungk jenoch, 
un vernetz: 
ungerenein, mr ston zesamme wie eine Jott un Pott – 
un vernetz och met däm, dä saht: 
Wann och nur e paar von üch en mingem Nome zesammekumme, 
do ben ich meddemang dobei. 

Denn als unse Vatter do bovve de Welt jemaht 
un för sich selvs jesaht 
hät: “Loss mer Minsche maache, die uns jlich sin”, 
do hät hä quasi vun sich e Selfie jemaht, 
in jeddem vun uns e Stück vun sich selvs jelaht, 
op dat mr klingele, pütze, singe un fiere, 
un en all däm dr Härjott, uns Welt un dr Nöhste in Ihre halde. 
Do stellst ming Fööss op wiggen Raum, 
un Jesus säht: “Loss se all eins sin.” 
Sozial un jeck un joht vernetz, 
met Hängk, Schnüss, Siel un Hätz. 
 Amen

Vum Chrestus jeck jemaht - Predigt im Karnevalsgottesdienst über 1Kor 4,10 und Mk 3,20f.

Leev Jeckinne un Jecke! 

Dat hürt mr em Fasteleer esu manches Mol. Esu fängk e Büttenredde aan, wend sech dr Prinz aan et Volk, un am Äschermettwoch es Schluss domet, die Aanredde kütt en dr selve Kess, en dä mr och Pappnaas, Schellekapp un all de andere Pluute un Kostömcher verstich. 

Leev Jeckinne un Jecke, en dr Kerch hürt mr dat och nit esu off. Em Joddesdeens op Kölsch, am Sundaach zwesche Wieverfastelovend un Äschermettwoch, do läss mr et sech jo jefalle, ävver stellt üch ens vüür, mr köme en dr Fastezick domet aan. Leev Jeckinne un Jecke. Wie ich die Dääch e Fründ us Westfale vun unse Joddesdeens op Kölsch verzällt hat, do saht hä: Macht, was ihr für richtig haltet, nächte Woche seid ihr ja wieder normal. - Maaht, wat ihr för richtig haldt, nöhste Woch sitt ihr jo ald widder normal. Un ich denk esu: Schad eijentlich. 

Denn de Aanredde „leev Jeckinne und Jecke“, die han nit mir uns usjedaach, die han mer jefunge beim Apostel Paulus, dä vun sich och säht, hä wör ene Jeck. Nit vun Huus us, dä Paulus wor sicherlich alles, ävver kei Rheinländer, ävver hä wor, su schriev hä et aan sing Fründe en Korinth (1Kor 4,10), ene „Jeck öm Christi Welle“, of, anders övversatz, e „Jeck wäje däm Chrestus“. 

Dat Jesus selvs knatschjeck, wann nit sujar raderdoll wor – dat hät fröher e janz Deil Minsche jedaach. Sujar si eije Familich, ihr hadt et ald en dr Lesung jehürt, ich les üch dat koote Stöck us däm Markusevanjelium noch ens vür: Und Jesus ging in e Huus. Un ald widder kome Minschemasse zesamme, un dr Jesus un si Fründe komen nit ens dazo, jet ze esse. Un als sing Verwandtschaff dovun hürte, komen se aanjeschrömp un wollte em met Jewalt fottdrare, se han nämlich jedaach: Hä es verröck. 

Un se han ja Rääch: Jesus wor verröck, ver-röck, hä es us däm Trott usjebroche, fottjetrodde us dr Reih vun all denne, die klotzig jradus mascheere un nit noh rähts un links loore, un hä hät sing Fründe unger dr Randfijore dr Jesellschaff gefunge. Hä hät sich selvs rusjeschmisse us däm iwije Spill, bei däm jederein dr Eetste un Beste sin will, un hät unger denne, die bei däm Spill op dr Strecke jeblieve sin, sing neue Familich jefunge. Wä su jet mäht, wä sech jäjen dr Strom stellt, wie Jesus dat jedonn hät, vun däm säht mr off: Wat ene Jeck em Rähn. Un zwesche Äschermettwoch un däm 11.11. es dat kei Kompliment, och un jrad, wann et vun dr eijene Verwandtschaff kütt. 

Un dat nit bloss Jesus selvs, ävver och die Chreste all esu knatschjeck un raderdoll sind – dat es en Ordeil, dat sech door dr Kirchejescheech trecke däht: 

Ehr Chreste sid doch beklopp, wann ehr aan ene Jott jläuv, dä sech vum Himmel eravschwingk, all Maach un Ihr hinger sech lööt, dä Minsch weed un sich dann och noh avmöpse lööt! 

Ehr Chreste sid doch verröck, wann ehr jäje all Augesching draan jläuv, dat met däm Duhd nit alles am Ängk es. 

Un ehr Chreste sid doch jeck, wann ehroch noh meint, dat sech met üür Dräum vum Himmel un Fridde och Jerächtigkeit Politik maach lööt. 

Das graffito blasfemo von 125: Alexamenos betet einen Esel am Kreuz an

Leev Jeckinne un Jecke, bei su enem Jäjewind däht et joht, nit allein ze sin. Un esu wie dr Jeck em Fasteleer es och dr Jeck wäje Chrestus e gesellig Wese, un weed en dr Jemeinschaff met aandere Lück halv erinjetrocke, halv jedrevve. „Echte Fründe ston zesamme“, singe mer off un jähn, em Fasteleer un eijentlich fas et janze Johr övver, un en däm Leed fingk sech e Spor vun däm, wat dr Jemeinschaff vun Minsche unger Kanzel un Krütz, övver Brut un Wing usmäht: „Echte Fründe ston zesamme, ston zesamme su wie eine Jott un Pott“, su heiß et en däm Rüümche, dat kaum einer op dr Stroß richtig metsinge kann. „...su wie eine Jott un Pott“ - dat es en ahl Sprichwoodt un meint de Famillich. Dat däht uns dran erinnere, dat nix de Minsche esu eng zesammeföhrt wie et Esse us enem Pott un der Jläuv un et Jebedd aan eine Jott. 

För mich kütt dat em Ovendsmohl zesamme, wann Minsche Brut un Wing deele un janz plötzlich, nor für ene Augenblick, nevvenenein ston un sech aan dr Händcher halde, wie echte Fründe zesamme ston, nor för e janz koote Momang. Minsche, die im restliche Lävve vielleich jar nit esu vill metenang ze don han, ävver övver Brut un Wing zesamme jeföhrt wääde. Do kammer sin un föhle, dat dr Jläuv och Jrenze sprenge kann. 

Och dat jehürt zem Fasteleer dobei, wann et Trömmelche jeiht un alle dorch dr Stroße trecke. Weil dr Fastelovend immer och de Fier vun e aandere, e verkiehrte Welt jewese es, koot vör dr Fastezick. Un e aandere Welt weedt och manchmol em Joddesdeens spörbar, e Welt, en dä all Faste e Ängk han weedt. E Welt, die mer Minsche nit eraanrofe of herzaubere künne, ävver die af un zo opblitz. E Welt, en dä mer och fiere weedt, un wie! Do wäde Israelis un Palästinenser, Türke un Deutsche, vielleich sujar Düsseldorfer un Kölsche sech schunkelnd en dr Ärm lieje aan dr längste, bes en dr Iwigkeit lange Thek dr Welt, do sitze un annstoße un singe, do weede de Pänz Giftschlange met Kamelle föödere un drömeröm e Wolf met enem Schof spille. Su süht et us, en dä Zokunff, en die de Bibel uns spingse lieht. Eijentlich knatschjeck un raderdoll. 

Un esu ene Hoffnung däht och dr Minsche verbinge. Nit bloß uns he: Wä sech vun Jesus jeck maache lööt, fingk sech plötzlich aan dr Sick von janz vill aandere Jecke widder, nevve all dr Verröckte, all däm Jeraffels un dr Bajaasch, die am Stroßerand steiht. Denne hät sich dr Jesus zojewendt, un zo denne jehüre mer, wann mer Äänz maache met däm Jecksin us Jläuve. Wä sech vun Jesus jeck maache lööt, dä erläävt e richtije Stroßekarneval, dä kütt ungers Fooßvolk un treck met denne door dr Stadt, die bloss noch sech selvs und manchmot nit ens mieh dat han. 

Leev Jeckinne un Jecke, et jitt immer widder Zigge, en denne de Kirch verjiss, wat et heiß, jeck ze sin, en dä se försöök, dr Stroßekarneval jäje dr Sitzungskarneval uszeduusche. Hoffe mer, dat et nie janz esu wick kütt, dat Kirch bloss noh heiß, dat zahlende un kostümeerte Vereinsmitglieder en dr Bänk setze, e paar Leedcher singe, e bezahlte un mehr off winniger löstige Büttenredd zohüre, aff un zo e Häppche müffele, un ansünsten janz fruh sin, unger sich ze blieve. Wann et esu wick es, dann bliev vielleich nur e traurig Affjesang: Ihr wart nur ein Karnevalsverein,… 

Vun doher hoff ich, dat et nit dozu kütt, wat minge Fründ us Westfale jesaht hät, dat am Äschermettwoch alles förbi es un mer alld widder normaal wedde. Öm Joddes Welle – loss mer e beßje dovun metnemme, loss mer jeck blieve un fiere un aan dr Hoffnung festhalde, dat de Zokunff, en dä mr spingse, nit esu düster es, wie mr et denke künnt, wann mr su en dr Welt erömloort. 

Un dat eines Daachs dr Jesus selvs, 

dr jrößte Jeck vun all, 

uns entjäjekütt un uns en dr Ärm nemp. 

Dann treck hä uns de Maske erunger, 

wesch uns dr verschwetzte of verhüülte Schmink us em Jeseech, 

nemp uns uns falsche Nose un Pürke aff. 

Dann hülf hä uns erus us all denne ze jroße of zu enge Kleider un Pluute, 

die mr uns em Lävve opjedröck han. 

Dann weedt hä uns anloore un sage: 

„Do jeck. Joht sühste us. 

Bes nit bang, ich han dich freijekauf. 

Ich han dich bei dingem Name jeroofe, 

do jehürst ze mir.“ 

Amen. 

Roland Peter Litzenburger, Christus der Narr (1987), Bild: www.augustinus.de

Prädig övver Jes 52,7 - Predigt im adventlichen Kölschgottesdienst

 

  

Staats un fing sin däm Freudebotte sing Fööss, 

wann hä övver dr Birg eranjeschrömp kütt

un jet Jots ze verzälle hät, Fridde un Rettung aankündig 
und för dr Zijonsstadt säht: Dinge Jott es dr Künning!

Uns Adventszick es för dies Johr bald öm, noh zwei Dääch, dann kütt de Chreßdaachszick. Övvermorje es ald dr Hellije Ovend, un wie ich mich dat esu selvs sage hüür, künnt ich ald widder der Zidder kreje: Es dat widder esu wick, wat mööt ich nit all noh flöck kaufe, Jeschenke enpacke, en mingem Fall och noh e paar Prädije schrivve, all dä Krom, dä noh ze besorje of ze don es. Und wann ich esu op die Adsventszick zeröcklor, muss ich sage: Minge Fööss sin nit esu staats und fing övver dr Trottewar jedanz wie die vun däm Freudebotte, dä övver dr Birg kütt un jet Johds ze verzälle hät. Minge Fööss han mr off wieh jedon, sin övver dr Stroß jefääch, jerannt, jestolpert, övver aandre Lücks Fööss drövverjelaufe ov janz iggelig und hibbelig op dr Stell jetrodde, wann ich ens waade mooht.  Wann ich janz ihrlich bin: E Freudebotte ben ich miets nit jewesse en dr letzte Wööch, ich han off nix Johts ze verzälle jehadt. Meeschtens han de Lück vun mir aanderes ze hüüre kreje: Nää, war wor dat widder e Gedrängels en dr Stadt, die janze träntelbotzije Poppeköpp op dr Stroß. Un nää, wat han ich ald widder Buchping vun dr janze Plätzcher, die ich do widder bei dr Jroß müffele moot und vun däm janze klävverije Jlöhwing op all denne Adsventsfiere… Dobei hatt ich mr janz fass vüürjenomme: Dies Johr weedt et all janz anders, dies Johr jangk ich dr Advent janz höösch aan, ben besinnlich und jedöldig… un wat soll ich üch sage? Et hät nit jeklapp.

Dat es in eetster Linnije ming Problem, weil ich mr selvs de Möglichkeit nemme, ens zeröckzeschalde un övver mi Lävve nohzedenke, einfach ens in Rauh ze simeleere, wie et mr eijentlich im Momang esu jeiht, ov et irjendsjet em Lävve jitt, wat ich ändere kann, ov mer irjendsjet fähle däht. Dann och, wann mr et kaum jläuve kan zwesche all däm Jebimmele un Jeblinke em Dezember – dr Advent es zick Alders her och e Fastezick gewesse, un dat heiß e Jelejenheit, öm e Deil vun däm Krom un däm Brass, dä uns em Alldach rungertreck un schwer mäht, affzeleje.

Dat Janze bedriff ävver nit bloß mich – denn wä weiß? Vielleicht han ich en all däm Brass och Minsche övversin, die et eijentlich nüdig han, dat mr denne jet Johts verzällt, die vielleicht janz heimlich drop waade, dat e Freudebotte zo inne kütt, dä för se säht: Do, wo do jrad steihst, is noh lang nit Engstation, och wann et dir esu vürkütt. Do, wo et dir dr Sproch verschlage hät, es et letzte Woot noh nit jesproche. Dat, wat do jrad vür Auge häst, es noh nit et Engk vum Leed. Hinger dr Muur, vür dä do steihs, jeiht et wigger, däht sich e neue Welt op.

Esu wie die Minsche, die domols dä Satz us dr Prädig zoeescht jehoot han: Minsche us däm Volk Israel, die dr Kreeg fottjeresse un en e fremde Land jespölt hatt. Do soße se, met Trone en dr Auge, un woren am Kriesche, am Kriesche öm die Zukunff en dr Heimat, öm die mr se jebraht hät, am Kriesche öm dr Tempel, öm Joddes Huus, dat mr enne kapott jeschlage hät, öm all die Dräum, die jetz en Schirve loge. Un se frogten sech, off jetz all am Engk wör, off Jott, vum däm se esu lang nix jehoot hatte, sich bloss versteche däht, oder of hä se ein för alle Mol em Stech hät jelosse.

Ävver do, op eimol hürt mr e Jetrappel vun hingerm Gebirg, vun dr aandere Sick, vun do, wo se nit selvs hinkomme künne. Un se hüre e Stemm, die jet Jots ze verzälle hät, e Freudebotte, dä vür se säht: Nä! Öör Jott hät üch nit verjesse, hä hät met üch noh jet vür. Dat er he en Knäächschaff sitz, in enem fremde Land, dat er ungerm Rejalt vun fremde Minsche puckele moot – su soll et nit iwig sin, doför hät üch dr leeven Jodd nit jeschaffe.

Un manchmol es dat jo ald jenoch. Dat einer kütt un säht: Nä, loß dr nix verzälle, do hähs jo Rääch, et es nit all joht, esu, wie et es. Dat einer kütt un en aandere dovun avhällt, sich met zewinnig zefridde ze jävve, sich allzick klein ze maache of maache ze losse.

För dr Minsche, die dr Freudebotte zoeesch jesin un jehoot han, sollt es noh e Zicklang dore, bis dat se widder noh hus komen. Ävver et wor jet passeet: De schwatze Wolkedecke üvverm Kopp wor e Stöckche opgeresse. Em Düstere wor e Leech aanjestoche woode, un se kunnte selvs wiggermaache. Manchmol es och dat jenoch: Dat ümmes kütt un e klei Löchelche en dr Blos pitsch, in dä mr sitze, dat wedder e beßje Luff erinkütt un mr widder frei odeme kann.

Vill mieh broch mr vun ennem Freudebotte nit verlange. En däm Rümche, övver dat hück ze prädije es, heiß et jo, dat hä Fridde un Rettung aankündigt un denne, die em zohüre, jet verzällt – ävver nit, dat hä selvs all dat bewerkstellige künnt.

Vill mieh broch mr vun ennem Freudenbotte nit verlange – ävver vill winniger och nit. Sicher jitt et Lück, die sage: Minsch, do beß doch hück morje noh dr Kirch hingeschrömp, do sähst doch vun der selvs, dat do e Chresteminsch beß – dann kumm ens he un nemm mr all mi Problem aff! Dat es ja vielleicht dat, wo mr bang vör es, wann mr ene süht, däm et nit joht es. Do kann mr nur sage: Tät mr leid, ich kann nit di Lävve för dich levve. Ävver vielleich sitz do einer en dr Nohbarschaff, em Bürro of irjendswo op dr Stroß, dä säht: Do jeihst doch noh dr Kirch hin – sag, häs do nix zo verzälle? Häste do nix jehoot, wat de wiggersage kanns, häst do vun do nit e janz klein Leech metjenumme, dat och minge Kabäusje e beßje jet wärme un hell maache künnt?

Staats un fing sin dr Fööss vun däm Freudebotte, wann hä övver et Jebirg eranjeschrömp kütt. Un ich fingk mich selvs off jar nit esu staats un fing, dat ich vun mr selvs sage künnt, ich wör als Freudebotte kwalifizeet. Ävver vielleich denk ich do och falsch eröm: Et es ald e paar Moonde her, do kunnt mr em Internet janz off e klei Text lesse, do stund: Noah wor en Suffkraat. Abraham wor en ahle Bemm. Mose wor e Speimanes. Isaak wor e Döspitter, David wor e Bellrämmel un e Föttchesföhler, Leah wor en schäbijen Fresen, Rahab wor en Allemannshor, Lazarus wor duhd, Maria wor en unverhierodt Mäd un schwanger un de Lück däte sich dr Muul övver se zerrieße, Paulus wor e Krangköllich un e Heffebutsche – un do meins, do wörst nit joht jenoch? Un op dr aandre Sick stund: Dr leeven Jodd rööf nit die zo sich, die besonders bejabt sin, hä bejabt die, die hä berofe hät. Un wann mr övver et Jebirg schrömp, wann mr door dr Matsch un Schnie talp – do kritt mr kei staatse, finge Fööss vun, em Jäjedeil: Do wääde de Fööss dreckelig un knubbelig un kräje Schrome. Ävver för dä, dä hingerm Gebirg sitz un nur drop waat, dat irjendsümmes zo im kütt un im säht: Do beß nit allein,  is dat et schönste, wat hä zick langem jesinn hät.

Leeven Jemeinde, vürjestern hat ich met dr Mam telefoneet, un irjendswann frogt se: Saach, häs do eijentlich schon e Chressdaachsbäumche? Nä, san ich, woröm? Do beß joht, sät se, am Dinstag is ald dr Hellije Ovend! Loor leever, dat do jetzt eine beischaffs, süns es et noher ze spat und mr sitze ohne Tannejröns zo hus. Un ich moht en dr Kalender spingse un daach: Leeven Jodd, se hät ja Rääch. Es dat ald widder esu wick?! Wat mööt ich nit all noh flöck kaufe, Jeschenke enpacke, en mingem Fall och noh e paar Prädije schrivve, all dä Krom, dä noh zo besorje of ze don es. Un jetz denk ich: Wat läuf eijentlich falsch em Lävve, dat ich e Freudebotte nit erkenn, wann hä vür minger Dör steiht of, in däm Fall, wann sei mir en et Uhr blöök: Bald es dr Hellije Ovend. Fridde un Rettung för dr Welt. Dr Här es Künning, un hä mölsch sech ungers Volk. Un hä kütt nit eets dann, wann mir denke, dat mr paraat sin, nä, hä kütt, wann et nüdig es. Zwei Adsventsdääch han ich noh. Mi Fööss don mr wieh un ich ben eijentlich e beßje ze möd för jetz jroß em Jebirg erömzeklemme. Ävver dat nemm ich mr vür för dr nöhste Dääch: Wann irjendsümmes kütt un am küme es, weil morje of övvermorje ald Chressdaach es – dann saach ich: Et weed hühste Zick.

Un ich saach em op dr Kopp zo, wat dä Paulus si Bajaasch en Philippi jeschrivve hät: Mer kann et nit off jenoch sage: Doot üch freue. Der Här eß noh.  Vör allem loht üch nit jeck maache vun Sorje öm et Levve, nä, loot kumme, wat kütt. 

Un wä weiß, vielleich fange mi Fööss dann noh en dr letzte Atzventsdääch aan ze danze.

Amen.

Wer Vokabeln nachschlagen muss - die Akademie för uns kölsche Sproch hält ein kleines, aber feines Onlinewörterbuch zur Hand. Der obige Text folgt allerdings nicht der offiziellen Akademierechtschreibung, weil es mir bei einem Manuskript um Lesbarkeit, nicht lexikalische Ordnung geht.

Adventsgottesdienst mal anders...

... gibt es am Sonntag im rechtsrheinischen Köln, und zwar op Kölsch:

Gottesdienste op Kölsch sind in Köln außerordentlich beliebt und werden mittlerweile in beiden Konfessionen mit einiger Regelmäßigkeit gefeiert - allerdings haben die Katholiken in Sachen Publikationen noch die Nase weit vorn: Da gibt (gab) es ein kölsches Gebetsbuch, ein eigenes Messbuch und eine wunderbare Psalmensammlung - Kostproben daraus kann man auf der Website von Manfred Becker-Huberti nachlesen. Dabei ist allen Beteiligten klar, dass es sich bei Kölsch-Gottesdiensten nicht automatisch um Karnevalsgottesdienste handelt - aber die automatische Gleichsetzung von Kölsch = Karneval kommt ohnehin von außen.

Die Erzdiözese Köln hat übrigens vor gar nicht allzu langer Zeit eine eigene Handreichung zu Brauchtums- und Mundartmessen herausgegeben (hier nachzulesen). Darin finden sich, wenig überraschend, einige Reglementierungen, die aus Sicht evangelischer Liturgik schwer nachvollziehbar sind: So gilt grundsätzlich:

"Wenn auch ein Dialekt keine Liturgiesprache sein kann, weil er als lokale

Sprachform nicht die Einheit der Kirche in einem größeren Gebiet zum Ausdruck bringt, ist er dennoch „deshalb nicht ganzvom liturgischen Gebrauch ausgeschlossen“, sondern „kann, wenigstensgelegentlich, im Allgemeinen Gebet, in Texten, die gesungen vorgetragen werden, in Monitionen oder in Teilen der Homilie gebraucht werden, vor allem wenn es sich um die eigene Sprache der teilnehmenden Christgläubigen handelt“ (Liturgiam authenticam, 2001, Nr. 13)."

Das heißt, dass bestimmte "besonders heilige" Sprachmomente im Gottesdienst davon ausgenommen sind, zum Beispiel das Hoch- und Präsidialgebet, die biblischen Lesungen, wichtige Gebete. Glücklicherweise scheint sich in der Praxis kaum jemand darum zu kümmern.

An anderen Stellen fasst die Mundart-Handreichung Aspekte, die auch für den evangelischen Gottesdienst eine Rolle spielen, in prägnanten Hinweisen zusammen:

Ebenso ist hinsichtlich der einzelnen Gottesdienstelemente zu fragen: Bringen sie in der rechten Weise zum Ausdruck, um was es inhaltlichgeht? Also: Wird in ihnen erfahrbar, dass der Glaube gefeiert und derAlltag transparent wird für Gottes Wirken an uns? Diese Fragen gilt es zu prüfen – nicht nur vor jedem Gottesdienst, sondern auch und besonders vor Gottesdiensten, die sich  speziellen Gruppen zuwenden, wie beispielsweise Schützen, Jägern oder  Feuerwehrleuten, oder die besondere Ereignisse im Laufe des (Kirchen-)Jahres aufgreifen, wie etwa Erntedank oder aber auch Karneval. 

 

Die Homilie ist Verkündigung. Solange dies deutlich wird, ist gegen die Verwendung der Mundart nichts einzuwenden, um so weniger, wenn gerade die Mundart bei der Auslegung der Frohen Botschaft die Menschen besser erreicht. Das schlechte Gegenbeispiel wäre eine mundartliche Predigt, die von einer Büttenrede nicht zu unterscheiden ist.  

Ich werde mir am Sonntag Mühe geben, das Letztgenannte zu vermeiden. Danach kann man dann hier gucken, ob es gelungen ist. Mich würde aber interessieren, wie es anderswo mit Dialektgottesdiensten aussieht - immerhin hat nicht überall in deutschsprachigen Gebieten die Mundart den gleichen unangefochtenen Stellenwert wie in Köln. Wie realisiert man sie, wenn Pfarrer_in gar kein_e Einheimisch_e ist? Und warum hinken wir da den Katholiken dermaßen hinterher?!

Vom "Du" auf und unter der Kanzel

Während meines Studiums in Schweden habe ich an der Folkuniversitetet unterrichtet, und zwar Deutsch und Schwedisch (ein Hoch auf die Zweisprachigkeit!). In Anfängerkursen wurde jeweils dasselbe Thema lebhaft diskutiert, allerdings aus deutlich unterschiedlichen Perspektiven: Es ging um die Anrede. Im Deutschkurs war es den überwiegend schwedischen Teilnehmenden kaum begreiflich zu machen, welche Bedingungen in Deutschland an ein "Du" geknüpft sein können. Und im Schwedischkurs konnten gerade österreichischen, ungarischen, aber auch deutschen Studierende kaum nachvollziehen, dass das "Du" in Schweden nicht nur die voraussetzungslos gängige Anredeform ist, sondern dass außerdem der Versuch, seinem Gegenüber dadurch, dass man ihn oder sie siezt, besonderen Respekt entgegen zu bringen, geradezu kontraproduktiv sein und bei Angehörigen einer bestimmten Generation, die die Du-Reform noch selbst erlebt haben, zu geradezu ungehaltenen Reaktionen führen kann - weil das freundlich gemeinte "Sie" der Bankangestellten oder des Kellners als unhöfliche Distanzierung verstanden wird. 

(c) hejsweden.com

Hätte ich meinen Schülern gesagt, das fein gesponnene Netzwerk aus Regeln und Konventionen, das das vertrauliche "Du" im Deutschen umgibt, sei einfach zu durchdringen - es wäre glatt gelogen gewesen. Und gerade im Berufsalltag erlebe ich immer wieder Fallstricke, Unsicherheiten, Ungeklärtes.

"Der Herr segne Sie?" Och nööö...

Da gibt es einerseits das liturgische Du. Ist klar, die versammelte Gemeinde wird als Gemeinschaft aus Schwestern und Brüder angesprochen, und damit eben als "Ihr" oder (kollektiv) als "Du". Bei Traugesprächen weise ich das Brautpaar daraufhin, dass ich bei den Traufragen in diesen Sprachmodus wechsle. Mir ist aber aufgefallen, dass ich in der Predigt die Brautpaare, aber auch die gottesdienstliche Sonntagsgemeinde meistens (es sei denn, ich duze die Mehrzahl der Versammelten auch im persönlichen Umgang) sieze - vielleicht, weil Predigtsprache für mich keine liturgische Sprache ist. Letztere lebt zu einem nicht geringen Teil von einer gewissen Wiederholbarkeit, vielleicht sogar Formelhaftigkeit. Und so etwas versuche ich in der Predigt zu vermeiden, hier ist meine Alltagssprache prägender.

Im Konfirmandenunterricht lasse ich mich von den Jugendlichen duzen. Das hat mit dem Brauch in meiner Gemeinde zu tun, hinter dem ich aber voll und ganz stehe: Ich hege und pflege die vielleicht etwas pathetische Auffassung, dass a) der Konfirmanden- kein Schulunterricht und b) die Gemeinde eine Gemeinschaft von Glaubensgeschwistern ist, die sich den sie umgebenden gesellschaftlichen Konventionen zu einem gewissen Teil entzieht. Und wie viele andere, so mache auch ich hier die Erfahrung: Respekt und Autorität hängen nicht mit der Anrede zusammen. 

In diesen beiden Kontexten ist das relativ einfach zu regeln: Da bestimme ich, Punkt aus. Nur: Das ist ja leider/zum Glück nicht immer der Fall.

... wenn Brüder einträchtig beieinander wohnen

(c) wikimedia.org - Synode te Dordrecht

Schwieriger wird es nämlich einerseits im Umgang mit Kolleg_innen - bei Facebook wird es derzeit unter Pfarrerinnen und Pfarrern lebhaft diskutiert. Ich habe den Eindruck, dass sich (vor allem) Pfarrer oft automatisch, zumindest recht schnell duzen. Das mag in anderen Berufssparten auch der Fall sein und zum Teil daran liegen, dass ein Großteil der Kollegen zu den älteren Post-68ern gehört. Jedenfalls erlebe ich es oft, dass das im persönlichen Gespräch nach zwei-drei Sätzen kurz abgeklärt wird ("Äh, wir duzen uns, oder?"), oder dass ich als neuer (und noch meist jüngster) Kollege in diesen Sprachgebrauch automatisch inkludiert werde. Wogegen ich überhaupt nichts habe, ich duze mich grundsätzlich gern und bin, wie schon erwähnt, der Auffassung, dass Nähe und Distanz auch auf anderem Wege ihren sprachlichen Ausdruck finden können. 

Manchmal wird das explizit gemacht; als ich anfing, Fortbildungen zu besuchen, habe ich das mir neue Konzept des Kurs-Du kennen gelernt - man duzt sich im Rahmen der Fortbildung, ohne sich für die Zeit danach darauf zu verpflichten. Es geht auch andersherum: Ab und an sind mir Menschen, mit denen ich mich duze, in Prüfungszusammenhängen begegnet. Da sind wir nach kurzer Regieanweisung zum Prüfungs-Sie übergegangen. Differenziert denkende Menschen dürften damit kein Problem haben.

Oft findet das aber geradezu im Vorbeigehen statt, und hier erlebt man ab und zu, dass Vorgesetzte uneindeutig sind. Da rutscht plötzlich ein "Du" raus, wiederholt sich vielleicht - und ich stehe dumm da und weiß nicht: Wie soll ich die jetzt anreden? Nehme ich das (nicht ausdrücklich erwünschte) "Du" - und überspringe damit übergriffiger Weise an und für sich sinnvolle Grenzen? Oder sieze ich weiter - und riskiere damit, irgendetwas zu markieren, das ich gar nicht will? 

Ich bin grundsätzlich immer dafür, solche Irritationen anzusprechen und zu klären - nur: Es gibt im Deutschen ja auch dahingehend Konventionen, wem es zusteht, solche metakommunikativen Diskurse vom Zaun zu brechen: Der Ältere bietet es dem Jüngeren an, die hierarchisch höher Gestellte derjenigen auf niedrigerer Gehaltsstufe, die Frau dem Mann (letzteres halte ich für im Kern sexistisch, auch, wenn das sicherlich im Einzelfall nicht so beabsichtig ist. Aber ich meine ja auch, dass Standardtanz mit dem ganzen "Führen" und "Geführt Werden" ins Neandertal gehört - skandinavische Sozialisation halt!). 

Grüß Gott, Herr Pfarrer..!

Ach ja, diese Regeln - das macht es auch mit dem Rest der Gemeinde nicht einfacher. Ich habe gelernt: Im Deutschen bietet der Ältere dem Jüngeren das "Du" an. Also warte ich geduldig, denn aufgrund der kirchenpolitischen Versäumnisse der letzten Jahrzehnte bin ich in der Kirche jenseits von Kinder- und Jugendarbeit als 31jähriger immer der Jüngere. Mittlerweile stelle ich aber fest: Es gibt noch andere Kriterien, an denen sich so etwas entscheiden kann. Und in einer bürgerlichen Hierarchie, die vielerorts zumindes in den Köpfen noch eine Rolle spielt, stehe ich als Pfarrer qua Amt relativ weit oben - bin also derjenige, von dem hier die Initiative erwartet wird. Was wiegt denn nun schwerer? 

Und: Sind mit der Frage nach dem Du und dem Sie nicht auch Aspekte tangiert, die über den rein privaten Sprachgebrauch hinausgehen? Im Kreise hauptamtlich Mitarbeitender habe ich mehrfach den Eindruck gehabt, dass es da Abstufungen gibt: Die Pfarrer_innen duzen einander quasi automatisch und andere Mitarbeitende mit Hochschulbildung (den Kantor oder die Gemeindepädagogin) recht schnell, Küster oder Gemeindesekretärinnen eher selten und höchstens nach vielen Jahren gemeinsamen Dienstes, während Kirchenmusikerinnen und Jugendleiter mit der Küsterin öfter per Du sind. Ist es Zufall, dass diese Abstufungen mit den Gehaltsstufen korrelieren? Ich glaube ja nicht, und ich kann verstehen, dass einer der Haupteinwände gegen die Differenzierung zwischen Du und Sie lautet, dass sie Hierarchien sprachlich und damit gedanklich verfestigt. Und ist das irgendwo unangebrachter als in einer Gemeinde, in der, wie wir aus Galater 3 wissen, "weltliche" Statussymbole und -elemente doch keine Bedeuung haben (sollten)?

Dritte Wege

Es gibt ja eine ganze Reihe von Möglichkeiten, den mit der Anrede verbundenen Schwierigkeiten auszuweichen. Gerade in Fällen, in denen man sich nicht sicher ist, kann man oft ganz jovial von einem "wir" oder scheinbar neutral von einem "man" sprechen. Wenn man ein Du anstrebt, aber nicht derjenige sein will, der die Gretchenfrage stellt, kann man mit karikierenden Übertreibungen darauf hinwirken ("Frau Kantorin, ...?!"). 

Mir fällt auf, dass ich in wenigen Fällen einen dritten Weg beschreite und manche Menschen in der zweiten Person Plural anspreche ("Ihr"). Das ist der Fall bei manchen Russlanddeutschen, die eine solche Anrede gewohnt sind. Oder bei älteren Urgesteinen der Gemeinde, mit denen ich Kölsch spreche, also in ihrer Mutter- und meiner Zweitsprache ("Frau Schmitz, wie isset üch dann hück?").

(c) Ich und Du / pixelio.de

Fragen über Fragen also. Wie haltet Ihr es mit dem Du und dem Sie? Ach so, im Internet gilt das "Du" als gängigste Anrede, das "Sie" mitunter fast als Beleidigung. Von daher...

Und immer wieder gut: Loriots Kosakenzipfel!